Te Wiki o te Reo Māori 2022
Whakanuia te Reo Māori!
E te iwi, nau mai ki te Wiki o te Reo Māori 2022!
He tau whakahirahira tēnei mō te kaupapa o 'Te Wiki o te Reo Māori'. Ko tēnei te huringa tau 50 mō te whakatakotoranga o te petihana mō te Reo Māori.
He maha ngā kaupapa hei whakanui i te Reo Māori i tēnei wiki. Whai atu i Te Taurawhiri i te Reo Māori me tā rātau whārangi Pukamatā kia pai te kite me te rongo i ngā kaupapa katoa.
Kaua e wareware tātau, ki te whakanui i tō tātau Reo Māori arā tō tātau Reo Rangatira i ngā wā katoa!
Kauhau Reo Rangahau
I tēnei wiki kei te whakakotahi mai a Te Whare Wānanga o Awanuiārangi, rātau ko 'Ngā Toenga o Ngā Tamariki a Iharaira' ko 'Ngā Uri o Maungapōhatu' ko Te Whare Taonga o Taketake Whakatāne ki te whakatū he kaupapa kauhau reo rangahau ki Whakatāne nei.
He maha ngā kaikōrero. Ko ētahi he Ahorangi, ko ētahi e whakaoti ana i a rātau tohu kairangi ki roto i te reo Māori.
Nau mai, e ngā iwi katoa ki Te Whare Taonga o Taketake ki Whakatāne. Ka tāea hoki, te whai atu i te Reo Irirangi o Te Mānuka Tūtahi ki te whakarongo ki ngā kōrero. Ko Ahorangi Taiarahia Black te kaiwhakarite i te kaupapa.
Nā Te Taura Whiri i te Reo te kōrero nei
Ko te waiata ko 'Whakarongo'. Ko Ngoingoi Pewhairangi te kaitito, he tohunga rongonui ki te tito waiata, nō Te Tairāwhiti.